Veni, Sancte Spíritus,
Et emítte coélitus,
Lucis tuae rádium.
Veni, pater páuperum,
Veni, dator múnerum,
Veni, lúmen córdium.
Consolátor óptime,
Dulcis hospes ánimae,
Dulce refrigérium.
In labore réquies,
In aestu tempéries,
In fletu solátium.
O lux beatíssima,
Reple cordis íntima
Tuórum fidélium.
Sine tuo númmmine
Nihil est in hómine,
Nihil est innóxium.
Lava quod est sórdidum,
Riga quod est áridum,
Sana quod est sáucium.
Flecte quod est rígidum,
Fove quod est frígidum,
Rege quod est dévium.
Da tuis fidélibus,
In te confidéntibus,
Sacrum septenárium.
Da virtútis méritum,
Da salútis éxitum,
Da perénne gáudium.
Amen!
Oração enviada por: Equipe Ache Oração
Nenhum comentário:
Postar um comentário
Deixe seu comentário.